Құрмет грамотасы

Сипаттама

Жақтауға салынған, қазақ және орыс тілдерінде басылған ресми марапаттау құжаты. Құжаттың жоғарғы бөлігі қою қызыл, В.И. Лениннің барельефтік бейнесі және кеңестік ордендер орналасқан салтанатты көркем композициямен безендірілген. Мәтін екі бағанға бөлініп, сол жағы қазақ тілінде, оң жағы орыс тілінде басылған.
Грамота Талдықорған ауданындағы «XXII Партсъезд» атындағы колхоздың Халықтық бақылау тобына берілген. Онда бекітілген тапсырмалар мен өндірістік жоспарлардың орындалуына тиімді бақылау жүргізіп, жұмыста белсенділік танытқаны үшін марапатталатыны көрсетілген. Құжаттың төменгі бөлігінде ұйымның көк түсті дөңгелек мөрлері басылып, комитет төрағасының қолы қойылған.