Тана

Сипаттама

Тана - металдан дөңгелек пішінде жасалған әйелдердің киіміне тағылатын дәстүрлі сәндік әшекей. Ортасы жартылай шар тәрізді шығыңқы етіп жасалып, айналасы бірнеше қатар геометриялық өрнектермен көмкерілген. Өрнек композициясы үшбұрыш, шеңбер және нүкте тәрізді бедерлі элементтерден құралған. Сыртқы жиегі ұсақ шеңберлі өрнектермен безендірілген. Артқы бетіне киімге бекітуге арналған ілмек дәнекерленген.
Тана әйелдердің көйлегі, қамзолы және өзге де дәстүрлі киімдерін сәндеу үшін қолданылған. Жәдігер қазақ халқының дәстүрлі зергерлік өнері, киім әшекейлеу мәдениеті және көркемдік талғамы туралы мәлімет береді.