Сақина
Суреттер жүктелуде...
Сипаттама
Сақина - әйелдердің саусаққа тағуына арналған дәстүрлі күміс әшекей. Жәдігер 750 сынамалы күмістен жасалған. Саусаққа тағылатын шығыр бөлігі жоғары қарай кеңейіп, құстұмсық пішінді сәндік бөлікті құрайды. Оның бетіне кертік тәрізді сызықтардан тұратын өрнек түсірілген. Сақинаның бөліктері құю, соғу және ию арқылы қалыптастырылып, дәнекерлеу тәсілімен біріктірілген.
Құстұмсық пішінді сақиналар қазақтың дәстүрлі әйелдер әшекейлерінің қатарына жатады. Үстіңгі бөлігінің көлемді әрі кең етіп жасалуы сақинаның сәндік сипатын айқындаған. Бетіндегі кертік өрнектер бұйымның қарапайым пішінін толықтырып, көркемдік әсерін арттырған.
Жәдігер қазақ әйелдерінің әшекей тағу мәдениетін, құстұмсық пішінді сақиналардың құрылымдық ерекшеліктерін және ХХ ғасырдағы күмісті соғу, ию, өрнектеу мен дәнекерлеу тәсілдерін сипаттайтын этнографиялық дерек болып табылады.