Тиын (Түргеш қағанаты)

Сипаттама

Тиын дөңгелек пішінді, ортасында төртбұрышты тесігі бар. Тиынның жиегін айнала шығыңқы ернеу орналасқан. Орталық тесіктің айналасында да ернеу бар. Алдыңғы бетінде - шеңбер бойымен, сағат тіліне қарсы бағытта курсивпен жазылған соғды жазуы берілген. Жазу төрт сөзден тұрады: «Вүу twrkys ү´ү´n pny» - «Түргеш қағанының билеушісі». Артқы бетінде - Түргеш таңбасы бейнеленген, ол тиын алаңында қалың сызықты ернеу мен төртбұрышты тесік арасында орналасқан. Төртбұрышты тесік таңбаның бір бөлігі ретінде ромб пішінімен қоршалған.