Келі келсап.

Описание

Келі—ағаштан шабылып жасалған дәстүрлі тұрмыстық бұйым. Сырты малдың иленбеген терісімен (жүні сыртқа қаратып) қапталған. Мұндай әдіс кепкен терінің ағашты мықтап ұстауына және жарылып кетуден қорғауына мүмкіндік береді.
Өлшемдері: жалпы биіктігі–45 см, аузының ішкі диаметрі – 17 см, қабырғасының қалыңдығы–3 см, ішкі тереңдігі–32 см.Келінің сабы—келсап, арнайы көлеңкеде кептірілген қатты жуан ағаштан жасалған. Жоғарғы жағы диаметрі 10 см, одан төмен қарай 26 см аралығы жұмырланған. Төменгі жағы–14 см ұзындықта, ортасы 4 см етіп ойылған, екі жағы қолға ыңғайлы болуы үшін жұмырланып шабылған. Ұшы диаметрі 5 см етіп жіңішкеріп келген.Келсаптың ұшы ұрыла-ұрыла мүжілген, жоғарғы бөлігі жарылып сынған. Келсаптың жалпы ұзындығы–76 см.