Қамбар батыр

Сипаттама

Авторы: Дузельханов Агимсалы Дузельханович. 1951-2025
Көп фигуралы композицияның ортасында - қолына саят құсын қондырған, ат үстіндегі жыр кейіпкері Қамбар батыр бейнеленген. Батыр дәстүрлі сауыт-сайман, дулыға мен ұлттық киім киіп, иығына айбындылық пен жауынгерлік ерліктің белгісі ретінде жолбарыс терісін жапқан.
Артқы планда киіз үйлер кешені, сап түзеген сарбаздар мен салт аттылар бейнеленген панорамалық кеңістік ашылып, тарихи оқиға мен шайқастық көріністің эпикалық ауқымын сүреттейді. Алдыңғы планда - дала шөптерінің арасынан көтерілген тырналар мен жүгіріп бара жатқан аңшы тазы көрініске динамикалық қозғалыс береді. Колорит пландарды біртұтас жарық-ауалық ортаға айналдыратын алтын-охралы реңктер үндестігіне негізделген. Композиция мен иконография қазақтың тарихи-батырлық эпос дәстүрінен тамыр тартып, жауынгерлік ерлік пен рух асқақтығын айшықтайды. Оң жақ төменде - автордың қолы мен мерзімі; сол жақта - атауы.