Макет
Суреттер жүктелуде...
Сипаттама
«Мамания» мектебінің макеті - 1899 жылы Қарағаш мекенінде бой көтерген қазақ даласындағы алғашқы оқу-ағарту орындарының бірі ретінде белгілі Мамания мектебінің сәулеттік құрылымын таныстыратын тарихи макет. Макет сол кезеңдегі оқу-ағарту жүйесінің ұйымдастырылуы мен мектеп жанындағы тұрмыстық нысандардың орналасуын көрнекі түрде бейнелейді.
Макет алты бөліктен тұрады: мектеп үйі, мешіт, оқушылар жатақханасы, мұғалімдер үйі, асхана және қойма.Макетте ағаштан салынған ғимараттардың сыртқы сәулеттік келбеті, қабырғаларының көлденең бөренелерден қалануы, терезелері мен есіктері, сондай-ақ шатырларының пішіні барынша нақтыланып көрсетілген. Ғимараттардың өзара орналасуы Мамания мектебінің оқу, діни-ағартушылық және тұрмыстық қызметтерді біртұтас кешен ретінде атқарғанын көрсетеді.