Жабайы үйрек тұлыбы

Сипаттама

Үйректің тұлыбы - жабайы су құсының сыртқы морфологиялық белгілерін табиғи қалпында сақтап, көрнекілік мақсатында дайындалған таксидермиялық бұйым. Тұлып құстың табиғи қалпын бейнелейді. Дене тұрқы орташа, денесі жинақы, басы алға бағытталған, мойны қысқа. Қанаттарында ақшыл жолақтар мен көгілдір-сұр түсті қауырсындар байқалады. Құйрық бөлігі сүйірлеу, аяқтары қызғылт-сары түсті.Тұлып табиғи орта көрінісін беру мақсатында топырақ тәрізді тұғырға орналастырылған. Тұғырда ұсақ тастар мен жасанды өсімдік элементтері қолданылып, су маңындағы табиғи мекен ету ортасын бейнелейтін композиция жасалған. Экспонат жабайы құстардың сыртқы құрылысын, түрлік ерекшеліктерін және табиғи ортадағы бейнесін таныстыруға арналған.