Көркемсурет

Сипаттама

«Астана» - Қазақстан Республикасының астанасына және ұлттық тарих пен мәдениет сабақтастығына арналған көркем туынды. Суретші А. Дузелханов композицияда сақ патшайымы Томиристің бейнесін Астана қаласының заманауи сәулеттік келбетімен үндестіре бейнелеген. Ол ұлттық-тарихи сипаттағы сәнді киім киіп, басына биік әрі әшекейлі бас киім таққан. Киімінде алтын түсті сәндік элементтер мен дәстүрлі ою-өрнектер молынан қолданылған. Патшайымның бейнесі айбындылықты, еркіндік пен ел билеушісіне тән асқақтықты танытады. Қолында гүл ұстаған Томирис бейнесі бейбітшілік пен жасампаздықтың символдық мәнін де аңғартады. Композицияның артқы және жан-жағында Астана қаласының сәулеттік нысандары, заманауи ғимараттар, монументтер мен қоғамдық кеңістіктер бейнеленген. Қала көрінісі Томирис бейнесімен сабақтастырылып, Қазақстанның көне тарихы мен қазіргі заманғы мемлекеттілігінің байланысын көрсетеді.