Қағаз ақша

Сипаттама

Ақша - Сауд Арабиясының 1 риял номиналындағы қағаз банкноты. Жәдігер Сауд Арабиясы Корольдігінің ақша айналымында болған ұлттық валютаның үлгісі болып табылады.Банкнотаның алдыңғы бетінде Сауд Арабиясының королі Фейсал ибн Абдул-Азиз Әл Саудтың портреті бейнеленген, сондай-ақ араб тіліндегі жазуы бар дөңгелек сәндік элемент және «Сауд Арабиясының Валюта агенттігі» деген жазу орналасқан. Номиналы «1» цифрымен көрсетілген. Банкнота геометриялық өрнектермен және ұлттық нақыштағы ою-өрнектермен безендірілген.Артқы бетінде «SAUDI ARABIAN MONETARY AGENCY» және «ONE RIYAL» деген жазулар, сондай-ақ табиғи ландшафт пен өсімдіктердің бейнесі орналасқан. Банкнотаның екі бетінде де қорғаныш және сәндік графикалық элементтер, геометриялық өрнектер мен номинал белгілері бар. Банкнота арнайы қағаздан жасалып, полиграфиялық баспа әдісімен орындалған.Жәдігер ғалым К. Оразбековаға тиесілі болған.