Кестелі көрпе

Сипаттама

Кестелі төр көрпе - қазақ халқының тұрмысында төрге төсеуге арналған сәндік әрі тұрмыстық бұйым. Экспонаттың беті қызыл қоңыр түсті барқыт матамен қапталып, түрлі-түсті жіптермен ұлттық ою-өрнектер кестеленген. Шеттері қара түсті барқытпен көмкерілген. Көрпе астарланып тігілген, ішіне қой жүні салынып сырылған. Төр көрпе киіз үйде немесе үйдің төріне төселіп, қонақтарға арналған құрметті орынды сәндеу үшін пайдаланылады. Сонымен қатар ол төрде отырған адамның астына төселіп, жұмсақтық пен жылылық қамтамасыз етеді.Кестелі төр көрпе - қазақ халқының сәндік-қолданбалы өнері мен дәстүрлі тұрмыс мәдениетін бейнелейтін этнографиялық мұра.