Текемет

Сипаттама

Текемет - киізден жасалған төсеніш. Текеметтегі барлық өрнек төрт бөлек тікбұрышты композиция түрінде берілген. Әр тікбұрыштың ортасында ақ фонда сары, жасыл және қызыл түстерге бөлінген шар тәрізді бейне орналасқан. Тікбұрыштардың ішкі шетінде ақ фонда қызыл және қою жасыл түсті «сыңар мүйіз» тәріздес өрнектер орналасқан.
Барлық төрт тікбұрыштың жиынтығы сыртқы жағынан жасыл түсті «сыңар мүйіз» өрнектерімен жиектелген, ал бұрыштарында бұл өрнек қызыл фонда «қошқар мүйізге» айналады. Текеметтің жиегі қара түсті жолақпен көмкерілген, оның ені кей жерлерде 7-12 см аралығында.
Текеметтің артқы жағы (өрнексіз беті) - қара жиегі бар ақ тікбұрышты киіз. Бұл ақ фонда қызыл, жасыл және сары түсті бейберекет жағылған дақтар жартылай кездеседі.

Мерзімі: 1967 жыл.
Материалы: Киіз, жүн.
Техникасы: Басу (иіру/басу), ою-өрнекпен безендіру.
Размер: 123 х 222 см.