Жұп күміс қапсырма
Суреттер жүктелуде...
Сипаттама
Екі өзара жалғасқан элементтен тұратын күрделі ромб тәрізді жұп күміс қапсырма. Пластиналардың жиектері ойылған өрнекпен безендірілген. Әр бөліктің төменгі жағында сақиналардан құралған нәзік шынжырлар арқылы тоғыздан жапырақ пішінді салпыншақ бекітілген. Орталық ромб тәрізді пластиналардың бетіне тас қондырмалар орнатылған, олардың бірінде қызыл түсті тас сақталған. Жапырақ пішінді салпыншақтар ойма және гравюралық өрнекпен әшекейленген. Бұйымның композициясында штамптау, шынжыр өру және аспалы элементтерді құрастыру тәсілдері үйлескен. Қапсырма XX ғасырдағы дәстүрлі қазақ зергерлік өнерінің үлгісі ретінде тарихи-этнографиялық маңызға ие.
Мерзімі: XX ғасыр
Материалы: 925 сынамалы күміс, тас қондырма
Техникасы: Штамптау, өру, оймалау, қолмен құрастыру
Өлшемі: 6 × 10 см; салмағы 74 г