Ерлердің күміс белдігі
Суреттер жүктелуде...
Сипаттама
XIX ғасырға жататын ерлер белдігі Батыс Қазақстан өңірінің дәстүрлі ерлер киіміне тән сәндік-қолданбалы бұйым болып табылады. Белдік берік қара былғары негізден тұрады, оның бетіне көлемді күміс қапсырмалар, құйма бөлшектер және әшекейлік жапсырмалар бекітілген. Негізгі қапсырма ірі қою жасыл түсті тас қондырмаларымен безендірілген. Қапсырма мен белдік әшекейлерінде өсімдік және зооморфтық сипаттағы дәстүрлі өрнектер қолданылған. Металл бөлшектер қалыптау, құю және соғу тәсілдерімен орындалған. Қапсырмалы бөлігі екі сақина арқылы біріктірілген. Бұйымның көлемі, 860 г салмағы және күмістің жоғары сынамасы оның салтанатты әрі мәртебелік сипатта болғанын көрсетеді. Сақталу жағдайы жақсы.
Мерзімі: XIX ғасыр
Материалы: 950 сынамалы күміс, былғары, тас
Техникасы: Қалыптау, ойып кесу техникасы, соғу, құю
Өлшемі: Ұзындығы - 111 см, ені - 9 см; салмағы - 860 г