Сұрғылт күн

Сипаттама

Авторы: Нурмухаммедов Нагимбек. 1924-1986
Ауыл шеті бейнеленген пейзаж. Алдыңғы планда бұталар мен жас ағаштар өскен жыра үстінен тасталған, тұтқалы ағаш көпір орналасқан. Екінші планның оң жағында қосалқы құрылысы бар үй, сол жақта тоғай көрінеді, ал оның артында - сұр бұлтты аспан. Туынды тығыз жағылымдармен пленэрлік мәнерде орындалған, пішіндері жинақталып берілген, ағаш бұтақтары түстік массалардың үстінен жіңішке сызықтармен жазылған. Зәйтүн-қоңыр реңді күңгірт колоритті үйдің қызыл дағы жандандырады.