«КСРО Қарулы Күштеріне елу жыл» медалі
Суреттер жүктелуде...
Сипаттама
«КСРО Қарулы Күштеріне елу жыл» медалі. Попрас А.Т.
Медаль дөңгелек пішінді, жиектері шығыңқы ернеумен көмкерілген. Медальдағы барлық жазулар мен бейнелер бедерлі түрде орындалған. Медаль құлақша мен сақина арқылы көгілдір түсті жібек муар таспамен қапталған бесбұрышты колодкаға бекітіледі. Таспаның ортасынан бойлай ақ жолақ өтеді, оның екі жағында қызыл және ақ жолақтар орналасқан.
Медальдің алдыңғы бетінде қызыл эмальмен қапталған бесбұрышты жұлдыз бейнеленген. Жұлдыздың ортасындағы шеңберде буденовка мен каска киген Кеңес Армиясының екі жауынгерінің кеуде тұсынан профильдік бейнесі орналастырылған. Шеңбердің шеттерінде мерейтойлық даталар көрсетілген: «1918» және «1968». Жұлдыздың айналасы лавр және емен бұтақтарынан құралған шоқпен көмкерілген.
Медальдің кері бетінің жоғарғы бөлігінде бесбұрышты жұлдыз, ортаңғы бөлігінде балға мен соқа бейнесі орналасқан. Жұлдызшаның төменгі жағында «КСРО ҚАРУЛЫ КҮШТЕРІНЕ ЕЛУ ЖЫЛ» деген жазу бар. Колодканың артқы жағында түйреуіш тәрізді бекіткіші бар.