Қорамсақтың бөлшектері
Суреттер жүктелуде...
Сипаттама
Қорамсақтың құрылымына тиесілі болуы мүмкін қола (мыс) бөлшектер жиынтығы.
Жоғарғы бөлігі - ортасында тесігі бар дөңгелек пішінді, бір шеті зақымданған. Болжам бойынша, қорамсақты белдікпен немесе басқа жабдық бөлігімен жалғауға арналған түйісу тетігі қызметін атқарған. Бүйір жақтарында таулы текелердің әлсіз бедерлі бейнелері байқалады.
Ортаңғы бөлігі - жалпақ әрі жұқа, бір ұшында гүл не жапырақ тәрізді өрнекпен безендірілген. Бұл бөлік сәндік мақсаттағы немесе бекітпе жиегінің элементі болуы мүмкін.
Төменгі бөлігі - бір ұшында сақина пішінді қалыңдауы бар S-тәрізді ілмек. Ол қорамсақты белдікке немесе басқа жабдыққа бекітуге арналған.
Қорамсақ көшпелі жауынгерлердің қару-жарақ кешенінің маңызды бөлігі болған. Оның бөлшектері тек қызметтік емес, сонымен қатар сәндік мәнге ие болған. Өрнекпен әшекейленген металл элементтер иесінің әлеуметтік мәртебесінің жоғары екенін айғақтаған.
Табылған жері: Жетісу облысы, Қаратал ауданы, Көкдала ауылы, Дәулбай қорымы, №4 қорған.
Табылған уақыты: 2023 ж.
Датировкасы: темір дәуірі.
Дайындау техникасы: балқыту, құю.
Өлшемі: 14 × 13 × 1 см
Сақталу жағдайы
Бөлшектердің бетінде айтарлықтай коррозия байқалады, олардың кейбірі сынып кеткен. Дегенмен бастапқы формалары жақсы байқалады. Реставрация және зертханалық тазарту жұмыстарын жүргізу қажет.