Хум

Сипаттама

Мұндай хумдар ортағасырларда астық, дәнді-дақыл, сұйықтық сақтау үшін қолданылған. Сыйымдылықтары 50-100 литр арасында болған.Сырланбаған, қолмен мүсінделіп, қыштан жасалынған.Сақталуы: түбі сынған. Төменгі Барсхан қалашығынан кездейсоқ табылған. Хумның қабырғалары қалың,мойны кең. Мойынның шеттері сыртқа қарай бүгілген. Хумның төменгі жиегінде арқан тәрізді белбеу бар. Дененің жоғарғы бөлігінде екі қатарға мөртабандар басылған. Мөртабандар дөңгелек, ішінде крест түрінде геометриялық ою-өрнекпен безендірілген. Асимметриялық ыдыс. Саздың құрамы борпылдақ, шамот қоспасы бар.