Аты аңызға айналған актер, жекпе - жек өнерінің хас шебері және ЮНИСЕФ-тің Ізгі ниет елшісі Джеки Чан өзінің Алматы сапары барысында Қазақстан Республикасының Ұлттық орталық музейіне арнайы ат басын тіреді.
Достық пен шынайы құрмет белгісі ретінде музей атынан Джеки Чанға қазақ тарихы мен мәдениетінің символы - «Алтын адамның» естелік шағын мүсіні сыйға тартылды.
Әлемдік кино жұлдызының біздің музейге сапары Қазақстанның бай тарихи-мәдени мұрасы бүкіл әлемде шынайы қызығушылық тудырып отырғанының жарқын дәлеліндей болды.