Керамикалық ыдыс ортағасырлық Жанкент қаласынан табылған тұрмыстық бұйым болып табылады. Ыдыс шағын көлемді, жұмыртқа тәрізді пішінде жасалған. Екі бүйірінде ілмек түріндегі тұтқалары орналасқан. Сақталу жағдайы толық емес: түп бөлігінің бір бөлігі сынған, бір бүйірі тігінен жарылған, сондай-ақ ернеуі зақымдалған.
Бұйым үй тұрмысында пайдаланылған. Қышы сапалы күйдірілген, бұл оның берік әрі ұзақ мерзімге қолдануға бейімделгенін көрсетеді.
Материалы - қыш. Өлшемдері: бүйірінің биіктігі - 17 см, жалпы биіктігі - 15 см, түбінің диаметрі - 7,5 см, қабырғасының қалыңдығы - 6 мм.
Аталған ыдыс Жанкент қаласының ортағасырлық тұрмыстық керамикасын, ыдыс пішіндерінің әртүрлілігін және қыш өндірісінің технологиялық деңгейін зерттеуде маңызды дереккөз болып табылады.
Керамикалық ыдыс
Қызылорда облыстық тарихи-өлкетану музейі