Түкті кілем

Сипаттама

Қызылорда облысы. Көліне төрт «шатыргүл» өрнегі терілген, үш суы, бір қорғаны бар, екі шеті шашақты қызыл кілем. Шатыргүл өрнегінің ішіне «тышқаніз»і, «құсізі», «шаршы» өрнегі салынған. Қолтықшаларына жасыл, көк, сұр «тұмарша» өрнектерінен шаршы жасай орналасқан. Кілемнің жиегіне айналдырыла ашамай, иттабан өрнегінен су жүргізіліп, арасындағы қорғанына омыртқа, шаршы, тіс, ашамай өрнектері салынған. Кенересі айнала түксіз тоқылып, екі шетіне желі жібінен шашақ шығарылған.