Кимешек

Сипаттама

Дәстүрлі қазақ әйелдерінің бас киімі тұрмыс құрған әйелдерге тән. Ол ақ түсті матадан тігілген және ұзынша пішінді болып келеді, бүкіл басты, мойынды, кеудені және иықты толықтай жабады. Жоғарғы бөлігі басты тығыз қымтап тұрады, ал төменгі бөлігі еркін төмен түсіп жатады.
Негізгі сәндік әшекейлеу бөлігі - бет ойығының жиегі. Бұл тұс қара, жасыл және қызыл жіптермен кестеленген өрнекпен көмкерілген. Өрнек бет ойығының жиегімен созыла орналасып, ұзын жіңішке жолақ түрінде рамка құрайды.
Өрнектің ішкі құрылымы геометриялық және өсімдік тектес мотивтерден тұрады: ортасында гүл пішіндері байқалады, оларды қызыл жіп айқындай түседі, ал қара және жасыл жіп өрнектің сұлбасын және толтырылымын жасайды.
Сонымен қатар, өрнектің шеті қосымша қызыл жіппен жүргізілген, ол сызыққа айқындық пен тереңдік береді.
Мұндай кимешек салтанатты және сәнді түрлерге жатады: ақ матаның қарапайым фоны көптүсті кестені ерекше әсерлі етіп көрсетеді.
Мерзімделуі: 1950-ші жж.
Техникасы: пішу, тігу, бізкесте.
Өлшемі: артқы жағы мен өңірі - 69 см, өңірі -141 см