Сүйек бұйым
Суреттер жүктелуде...
Сипаттама
Бұл артефакт - көркемдік өңдеуден өткен, сүйектен жасалған бұйым. Композиция бір-бірімен қиылысқан, ирек тәрізді екі айдаһар-жылан бейнесінен тұрады. Пішіні «сегіздік» үлгісіне ұқсас, жоғарғы бөліктері сақталған, ал төменгі жағы бірнеше бөлікке сынған. Бұйымда айқын ою-өрнек іздері байқалады - сызықтық және бедерлі элементтер, сондай-ақ төменгі бөлігінде бет бейнесін елестететін шағын мүсінше бар.
Айдаһар мен жылан бейнелері - көне дәуірлердегі түркі, сақ және ғұн мәдениеттерінде жиі кездесетін мифологиялық символдар. Олар қорғаныш, мәңгілік, жаңару және тылсым күш ұғымдарын білдірген. Екі жылан-айдаһардың қиылысқан бейнесі дуализм мен үйлесімділікті де меңзеуі мүмкін. Мұндай бейнелер діни-нанымдық бұйымдарда немесе салтанатты заттарда қолданылған.
Сақталу жағдайы
Бұйым сынған, бірнеше бөлшегі жетіспейді. Дегенмен де, негізгі элементтері (айдаһар-жылан иректері мен мүсіндік бейне) жақсы сақталған. Қалпына келтіру және консервациялау жұмыстарын қажет етеді.