Кимешек

Сипаттама

Тұрмыс құрған әйелдерге тән дәстүрлі қазақ бас киімі. Кимешек ақ түсті матадан тігілген, пішіні ұзынша болып келеді. Ол әйелдің басын, мойнын, кеудесін және иығын толықтай жауып тұрады. Жоғарғы бөлігі басты тығыз қымтап, төменгі жағы кеңейіп еркін төгіле түседі.
Кимешектің негізгі әшекейі - бет ойығының жиегі. Бұл бөлігі қоңыр және ашық сарғыш түсті жіптермен кестеленген. Орнамент жіңішке ұзын жолақ түрінде беріліп, ойықтың бойымен жүріп, жиек-рамка жасайды. Жолақ ішіндегі өрнектер өсімдік тектес элементтерден құралған: жапыраққа, бұтаққа ұқсас өрнектер байқалады.
Түстердің табиғи үйлесімі (қоңыр мен сарғыш) кимешекке байсалды, бірақ көркем сипат береді. Өрнектің симметриялы орналасуы киімге жинақылық пен үйлесімдік әкеледі.
Осындай өсімдік өрнектері қазақ дүниетанымында ерекше орын алған. Олар табиғатпен үндестікті, береке-бірлікті, ұрпақ жалғастығын білдіреді. Сондықтан мұндай өрнек сәндік қызметпен қатар, символдық мағына да жүктейді.
Мерзімделуі: 1950-ші жж.
Техникасы: пішу, тігу, бізкесте.
Өлшемі: артқы жағы мен өңірі - 68 см, өңірі -94 см