«У» ескерткіші

Сипаттама

Авторы: Бәпішев Бақыт Әскеұлы. 1958-2019
Шартты түрде берілген сәулеттік тұғырдың үстіне пирамида тәрізді үйілген тастар тобы бейнеленген сәндік-символикалық композиция. Композицияның жоғарғы бөлігі ұстамды сұр-қара реңктерде шешім тапқан болса, төменгі жағы мозаикалық сипаттағы бет құрылымы ретінде берілген. Композиция монументалды тас пішіндері мен жазықтықтардың ырғақты геометриясының қарама-қарсылығына құрылған. Кескіндемелік мәнері шартты-сәндік сипатта орындалып, пішіндердің жалпылама берілуі, айқын фактурасы және бет құрылымына басым назар аударуымен ерекшеленеді.