Жас дәрігер

Сипаттама

Авторы: Федорова Елена Александровна. 1926-1967
Медициналық кабинетте бейнеленген жас әйел дәрігердің портреті. Ақсары шашты әйел ақ халат пен медициналық қалпақ киіп, қолындағы сынауықты жарыққа тосып қарап тұр. Оң жақтағы ақ дастарқан жабылған үстелде микроскоп, кітап және басқа да медициналық құралдар орналасқан. Сол жақтағы шағын үстелге зертханалық ыдыстар қойылған. Шығарманың колоритінде ақ, ақшыл сары және сұрғылт-жоса реңктер басым. Дәрігердің сынауық ұстаған қолының қимылы мен байыпты, зерделі жанары портреттің негізгі мазмұндық өзегін құрайды. Бұл көркемдік шешім кейіпкердің кәсіби болмысын айқындай түседі.