Қазақстан Магниткасы. Домна

Сипаттама

Авторы: Нурмухаммедов Нагимбек. 1924-1986
Домна пешінің құрылысын бейнелейтін индустриялық пейзаждың алдыңғы пландағы оң жағында тиегі көтерілген экскаватор, ал оның артында жүк көтергіш крандары мен мұржалары бой көтерген домна құрылымы орныққан; сол жақта - траншея, бетон іргетас пен ағаш қалып көрініс табады. Крандар мен тиектердің көзді биік ашық аспанға жетелейтін тік ырғағы көрініске ауқымды құрылыстың қарқыны мен салтанатын дарытады. Жұмыс пленэрлік мәнерде кең пастозды жағылымдармен орындалған, пішіндері жалпыланып берілген. Алаңның бір-біріне жуық жосалы-сұр реңктерінің үйлесіміне құрылған колоритті техниканың көк және қызыл екпіндері жандандырады.