Түнгі фонтан

Сипаттама

Авторы: Нуржумаев Оралбек. 1938-1996
Қалалық кешкі пейзаж. Сол жақта қараңғы жұлдызды аспан аясында терезелері жарық театр қасбетінің бұрышы бейнеленген, көше бойында шамдар маздап тұр, ал оң жақта фонтанның ағыл-тегіл су шымылдығы бой көтереді. Алдыңғы планда - әйел мен қыздың кеуделік ірі бейнелері, олардың арасында, кеңістік түпкірінде - жүріп бара жатқан адамдардың сұлбалары орын алған. Пішіндер жалпыланып, жазықтықта шешім тапқан, кеңістік қараңғы және жарық аймақтардың қатар қойылуына құрылған. Колорит түнгі аспанның қою көк реңктерінің ғимараттардың жылы жосалы-қоңыр реңктерімен және фонтанның ашық күміс дағымен қарама-қайшылығына негізделген.