Сталин жолдасқа сыйлық

Сипаттама

Авторы: Қастеев Әбілхан. 1904-1973
Асқақ таулы пейзаж аясында қазақ ауылының тұрмысынан көрініс табатын көпфигуралы жанрлық композиция. Алдыңғы планда, төселген кілем үстінде екі ер адам мен ақ кимешек киген әйел отыр. Олардың сол жағындағы екі әйел Сталиннің портреті тоқылған кілемді жайып ұстап тұр. Арғы жағында - ішінен жас әйел шығып келе жатқан киіз үй, ал ортанғы планның оң жағында - автомобиль мен екінші киіз үй көрінеді. Жиналғандардың кейіпі шебердің жұмысын бағалап отырған көркемдік кеңесті еске салады. Детальды әрі ұқыпты кескіндеме мәнері шығарманы реалистік станокты кескіндеме дәстүріне жақындатса, сюжет өз заманына тән халықтың көсемге сый-құрмет көрсету тақырыбын айшықтайды. Сол жақ төменде - қолы мен жылы.