Екібастұз. Алып комбайн

Сипаттама

Авторы: Исмаилов Аубакир. 1913-1999
Екібастұз көмір алабындағы ауқымды ашық кен өндірісін бейнелейтін индустриялық пейзаж. Тау жыныстарын қазу барысында қалыптасқан карьер сатылары мен еңістерінің арасынан күн сәулесі төгілген кеңістік ашылады. Композицияның ортасында шығарманың негізгі мазмұндық әрі композициялық екпініне айналған массивті тау-кен техникасы: алып комбайн және оған жалғанған, көмір тиелген теміржол құрамы бейнеленген.Орасан зор карьер аясында әрең байқалатын адам сұлбалары өндірістік кешеннің айбындылығын арттыра түседі. Жердің қанық жылы қызыл-қоңыр және жоса тонды бояуларының аспан мен көлеңкелердің қарқынды салқын көк-көгілдір реңктерімен контрасты кескіндемелік шешімнің ширығуын күшейтіп, өңделген кеңістіктің күрделі бедерін айқындайды. Сол жақ төменде - қолы мен жылы.