Әуе барлаушысы

Сипаттама

Авторы: Евдаков Александр Константинович. 1913-1943
Шығарма - реалистік мәнерде кең, еркін жағыстармен шешілген әскери тақырыптағы жанрлық композиция. Төмен көкжиек, су айдыны және сол жағындағы жалғыз ағашы бар пейзаж аясында қос парашютпен жерге қонып келе жатқан тұлға бейнеленген. Сұрғылт будақ бұлт торлаған түнерген аспанның сол жақ жоғарғы бұрышында көрерменнен алыстап бара жатқан ұшақ көрінеді; ол композициялық тұрғыда тұлғаны әуе кеңістігімен байланыстырып тұр. Сұрғылт-көк және қою жасыл реңктердің үйлесіміне негізделген монохромды түстік палитра мен серпінді жазу мәнері осы сәттің күңгірт атмосферасы мен кернеулі тыныштығын дәл жеткізеді.