Куәлік
Суреттер жүктелуде...
Сипаттама
Белгілі ұстаз, Ұлы Отан соғысының ардагері Бұғытай Айсеркеновке тиесілі «Қазақ КСР-інің еңбек сіңірген мектеп мұғалімі» құрметті атағы берілгенін растайтын №1260 куәлік пен «Қазақ КСР-інің халық ағарту ісінің үздігі» төсбелгісі мен куәлігі.
Куәлік 1961 жылғы 21 шілдедегі Қазақ КСР Жоғарғы Кеңесі Президиумының Жарлығы негізінде берілген. Қоңыр түсті қатырма мұқабалы құжаттың ішкі беттерінде марапат иесінің фотосуреті, аты-жөні, құрметті атақ беру туралы мәліметтер, мөр мен қолтаңбалар орналасқан.
Куәлікпен бірге берілген төсбелгі ромб пішінді, металл негізде жасалған, көк және ақ түсті эмальмен безендірілген. Орталық бөлігінде «ОТЛИЧНИК НАРОДНОГО ПРОСВЕЩЕНИЯ КАЗССР» деген жазу орналасып, жоғарғы жағында қызыл түсті бес бұрышты жұлдыз бейнеленген.
Бұл құжат пен төсбелгі Бұғытай Айсеркеновтің ұстаздық қызметтегі елеулі еңбегін, білім беру саласының дамуына қосқан үлесін және мемлекет тарапынан берілген жоғары бағасын айғақтайтын тарихи құнды жәдігер болып табылады.