Құман

Сипаттама

Құман - сұйықтықтарға арналған ыдыс. Көбінесе қол жууға қолданылған. 3 мм қалыңдықтағы мыс табақтан жасалған, пішіні дөңгелектелген бұрыштары бар үшбұрыш тәрізді. Ыдыстың екі бүйірінде ұсақ өрнекті бедермен безендірілген дөңес сопақтар орналасқан. Мойны ортасынан жуандап, жоғары қарай кеңейеді. Жоғарғы жағы құс тұмсығы түріндегі сәнді қақпақпен жабылған, мойынға қозғалмалы топса арқылы бекітілген. Құйғышы - конус пішінді, доға тәрізді иілген, ұшында шар пішінді ұшы бар. Түбі - қиғаш конус тәрізді, мыс табақпен қапталып, сегіз шегемен бекітілген.

Мерзімі: ХХ ғ. басы.
Материалы: металл
Өлшемі: 35 x 14,5 x 2,5 см