Жұлдыз және елтаңбасы бар белдік тоға

Сипаттама

Экспонат тік төртбұрышты, сәл дөңес металл белдік тоға болып табылады. Орталық бөлігінде бедерлі бесбұрышты жұлдыз орналасқан, оның ұштары рамканың ішкі жақтарына жалғанған. Жұлдыздың қарама-қарсы ұштарының арақашықтығы 4,5 см, сәулесінің бүйір ұзындығы 1,3 см.
Жұлдыздың ортасында диаметрі 2 см шеңбер бар, оның ішінде орақ пен балғаның шығыңқы бейнесі орналасқан. Жұлдыз сәулелері жіңішке жиекпен көмкерілген, орталық шеңберден ұштарына қарай жіңішке сәуле тәрізді сызықтар таралған. Осындай ұсақ сызықтар орақ пен балға бейнесінің айналасында да орналасқан.
Мерзімі: ХХ ғ.
Материал: металл (темір)
Техникасы: фабрикалық өндіріс (штамптау)
Өлшемі: 5,9 х 5,2 см.