«КСРО Жеңісіне 40 жыл» төсбелгісі
Суреттер жүктелуде...
Сипаттама
«КСРО Жеңісіне 40 жыл» төсбелгісі Ұлы Отан соғысындағы Жеңістің 40 жылдығына арналған мерейтойлық марапат белгісі болып табылады. Экспонат Тасмұханов Бағытқа тиесілі. Төсбелгі екі бөліктен тұрады. Жоғарғы тікбұрышты бөлігінде қызыл эмаль аясында «40 лет» деген жазу мен Жеңістің және даңқтың белгісі саналатын лавр бұтағы бейнеленген. Төменгі бөлігінде көпсәулелі жұлдыздың ортасына қызыл бесжұлдыз орналасып, оның ішінде «СССР» жазуы мен жауынгер бейнесі бейнеленген медальон бар.
Төсбелгі алюминийден зауыттық әдіспен дайындалып, түрлі түсті эмальмен және алтын түстес қаптамамен безендірілген. Мұндай белгілер Жеңіс мерейтойларына орай соғыс ардагерлеріне, еңбек ардагерлеріне және мерекелік іс-шараларға қатысушыларға табысталған. Экспонат Ұлы Отан соғысындағы Жеңістің тарихи маңызын айғақтайтын мемориалдық жәдігер болып табылады.