Айбалта

Сабы күміспен қапталған қазақтың жауынгерлік балтасы. Мерзімі: ХІХ ғасыр.
Айбалта -қазақ жауынгерінің ұрыс қаруы. Қарудың жалманы жарты ай тәрізді,
жүзі трапеция түрінде, шүйдесі төртбұрышты келген. Жалманы мен шүйдесінің екі жақ беті
өрнектелген. Жалманында екі жанында қазақ батырының садақты тартып отырған күйде бейнеленген. Жауынгер жоғарғы қарай шапшып тұрған тұлпар үстінде отырса,
тұлпардың алдынғы екі аяғында екі барс бейнесі ойылып бейнеленген.
Шүйдесінің негізгі бөлігінде төртбұрышты жақтау ішінде екі аққу құсының бейнесі бейнеленген.
Шүйдесіндегі бейнелер анық емес. Айбалтаның шүйдесінің екі жаны
ойықты келген. Сабы қысқа, ағаштан жасалған, бір шеті дөңгелене келген.Сабында қарудың
негізгі бөлігінен 13,5 см кейін 960 пробалы күміс пластинамен
қапталған. Пластина бетінде өсімдік тектес жапырақ тәрізді бейнелер нақышталған.