Белдік.

Описание

Былғарыдан жасалған белдік. Екі жаны ішкі жағына қарай қайырылып, беріктігі үшін тігіспен өңделген. Белдіктің беткі жағына әртүрлі пішінде, дөңес шекіме өрнегі бар 35 дана шытыра шегеленіп бекітілген.Ұзындығы 8 см болатын ілгегі бар қапсырмасы сары жезден жасалған, белдікке төрт жерден шегеленген. Қапсырма бөлігінен 10 см төменде, белдіктің астыңғы жағынан былғары доғабас бау жіңішке қайыс баумен тігіліп бекітілген. Бұл баудың бетіне екі жерден шытыра әшекей шегеленіп орнатылған.Белдіктің екінші жағы—ұзындығы 6 см болатын қапсырма ұшы. Осы қапсырмадан бастап 27 см аралықта, арасы 7 см-ден, барлығы 6 тесік тесілген. Бұл тесіктер белдікті белге қапсыра бууға арналған.