Адамның қаңқа сүйектері

Сипаттама

Адамның қаңқа сүйектері. Бассүйектің формасы брахикранды болып келген. Жоғарғы жақ сүйегінің оң жақ квадрантында күрек, сол жағында екінші азу тістері жоқ. Ал төменгі жақ сүйегінде ит және күрек тістері жоқ. Барлығы 23 тісі бар. Тістердің эмаль қабатының қажалған баллдық көрсеткіші 2-3 баллды құрайды. Остеологиялық материалдардан 9 омыртқа, 6 қабырға, 2 жамбас, 1 құймышақ, 13 аяқ-қолдың ұзын сүйектері сақталған. Сүйектердің остеологиялық, антропологиялық өлшемдерінің көрсеткіштері өте үлкен. Сүйектердің көрсеткіштері адамның бойы 2 метрден артық екенін байқатады (200-215см.). Ал сүйектердің антропологиялық сипаттамалары 40-45 жасты көрсетеді. Бірақ бассүйектің краниологиялық көрсеткіштері, тістің эмаль қабатының баллдық анықтамасы жасы 20-25 шамасындағы ер адам екенін анықтайды. Археолог: А.Бейсенов.
Табылған орны: Қарағанды облысы Қарқаралы ауданы, Едірей-3 моласы.