Алатау бөктері

Сипаттама

Авторы: Нурмухаммедов Нагимбек. 1924-1986
Қалалық пейзажда тау бөктерінің көрінісі бейнеленген. Қарлы шыңдары көкке бой созған биік таулар аясында еңіс шатырлы екі қабатты және бір қабатты тұрғын үйлер жазық алаңқайда біркелкі қатар түзеп орналасқан. Алдыңғы планның оң жағында жапырақсыз жіңішке ағаш бой көтереді. Туынды пленэрлік мәнерде кең жағылымдармен орындалып, пішіндер жинақталып берілген, ал алыс план қалың бояу массалары арқылы шешім тапқан. Колорит таулардың салқын сұр-күлгін реңктерінің ғимараттардың жасылдау, жосалы түстерімен және ашық аспанмен жарасымды үйлесуіне құрылған.