Талғар тауларында

Сипаттама

Авторы: Фролова Валентина Матвеевна. 1915-1990
Жанрлық сарыны сезілетін тау пейзажы: батып бара жатқан күн сәулесіне бөленген аңғар; кенептің төменгі жиегінен ішкері қарай созылған соқпақпен ат үстінде келе жатқан бозбала мен бойжеткен. Алыста - аспанмен таласқан қарлы заңғар шыңы бар таулар; аспанның сол жағында дөңгеленген ай көрінеді. Композиция панорамалық кеңістікке құрылған, көрініс қабаттары ретімен алмасып отырады; соқпақтың иірімі мен салт аттылардың шағын сұлбасы көрермен назарын туындының негізгі мағыналық өзегі саналатын қарлы шыңға қарай жетелейді. Реалистік нақышта салынған; бояу мәнері жұмсақ, ауа мен жарық кеңістігін дәл беретін нәзік реңктік ауысуларға бай. Көркем бейне кешкі тыныштық пен лирикалық көңіл күйді шебер паш етеді. Оң жақ төменде - қолы мен жылы.