Тиын (Түргеш қағанаты)

Сипаттама

Тиын дөңгелек пішінді, ортасында төртбұрышты тесігі бар. Тиын жиегінің бойымен қалыңдығы 3 мм болатын шығыңқы жиек жүргізілген. Орталық тесіктің айналасында қалыңдығы 1 мм жиек бар. Алдыңғы беті - сағат тіліне қарсы бағытта курсивпен жазылған шеңберлі соғды жазуы. Соғды жазуы: «xst ´w ´ xswt´ wy pny». Артқы беті - түргештердің тамғасы, ол монета алаңында қалың сызықты жиек пен төртбұрышты тесік арасында орналасқан. Төртбұрышты тесік ромб түрінде ерекшеленіп, тамғаның бір бөлігі ретінде берілген. Тамғаның оң жағында түркі бейнесі бар. Жоғарғы бөлігінде курсивпен жазылған соғды сөзі «Вүу» - «Құдайлық», түргеш қағанының эпитеті.