Медаль «Бүкілодақтық ауылшаруашылық көрмесіне қатысушы»
Суреттер жүктелуде...
Сипаттама
«Бүкілодақтық ауыл шаруашылығы көрмесінің қатысушысына» медалі. Марапатталған: Сулейменов Калменбай.
Медаль дөңгелек пішінді. Жазулар мен бейнелер бедерлі. Жоғарғы бөлігінде медаль құлақша мен сақина арқылы жасыл лентамен қапталған шағын қыстырмаға бекітілген.
Медальдің алдыңғы бетінің ортасында қолдарын көтеріп, бидай бауын ұстап тұрған комбайншы мен колхозшы әйел бейнеленген; олардың артында трактор мен автомобиль орналасқан. Шеңбер бойымен «Бүкілодақтық ауыл шаруашылығы көрмесі» деген жазу бар.
Артқы бетінің жоғарғы бөлігінде «Бүкілодақтық ауыл шаруашылығы көрмесінің қатысушысына» деген жазу, төменірек ортасында екі жағынан бидай масақтарымен көмкерілген С-60 «Сталинец» тракторы бейнеленген; трактордың астында - орақ пен балға.
Қыстырманың артқы бетінде түйреуіш түріндегі бекіткіші бар.