Ұршық

Сипаттама

Ұршық - қазақтың дәстүрлі қолөнерінде жүнді иіріп, одан жіп дайындауға арналған қол құралы. Бұйым негізінен ағаштан жасалған ұзынша өзек пен оның бір бөлігіндегі жалпақ, дөңгелек пішінді айналмалы бөліктен тұрады. Ұршықтың сабы ұзын, цилиндр тәрізді, беті тегістелген. Бір шетіне жіп оралатын ағаш бөлік бекітілген. Өзектің орта тұсында жіппен оралған байланыстырғыш бөлік байқалады. Ұршыққа табиғи түсті иірілген жіп жалғанып, төменгі бөлігінде жіптің орамасы орналасқан.Бұйымның негізгі атқаратын міндеті - жүнді немесе талшықты қолмен иіріп, берік әрі біркелкі жіп алу. Ұршықты айналдыру арқылы талшық созылып, ширатылып, жіпке айналдырылады. Дайын жіп ұршықтың өзегіне оралады.
Бұйым қазақ халқының дәстүрлі тұрмысында кең қолданылған қолөнер құралдарының бірі ретінде әйелдердің жүн өңдеу, жіп иіру және тоқыма бұйымдарын дайындау кәсібімен байланысты.