Сырмақ

Сипаттама

Дәстүрлі қазақ қолөнеріне тән оюлы сырмақ. Сырмақ түрлі түсті киіз бөліктерінен құрастырылып жасалған. Негізгі түстері - қызғылт сары, сұр және қою қоңыр. Бұйымның орталық бөлігінде ромб тәрізді композиция орналасып, оның ішкі бөліктері өсімдік тектес ұлттық ою-өрнектермен безендірілген. Жиегі мен шеткі бөліктеріне ирек, иірім және өсімдік тектес өрнектер түсірілген. Оюлардың контурлары жіппен жиектеліп, тігіс арқылы айқындалған. Өрнектердің симметриялы орналасуы сырмақтың көркемдік үйлесімін арттырады. Сырмақ дәстүрлі қазақ тұрмысында үй ішін сәндеу және төсеніш ретінде пайдаланылған.