Шәугім

Сипаттама

Шәугім-қазақ халқының дәстүрлі тұрмысында кеңінен қолданылған, су қайнатуға арналған металл ыдыс. Ол ас үй шаруашылығында шайға, тағам дайындауға қажетті суды жылыту және қайнату мақсатында пайдаланылған. Шәугімнің пішіні құман тәрізді болып келген, түбі отқа қоюға бейімделген. Құрылымында суды құюға арналған иілген «қаз мойын» тәрізді шүмегі және ыдысты ұстауға, сондай-ақ мосыға іліп қоюға арналған тұтқасы бар.