Құжат сақтауға арналған папка

Сипаттама

Бұл құжат папкасы Курманов К.-ға тиесілі. Папка қызметтік құжаттарды, қағаздарды және кеңсе құралдарын сақтауға әрі тасымалдауға арналған. Табиғи қоңыр былғарыдан жасалған. Алдыңғы бетінде папканы жабуға арналған металл түймелі қақпағы бар. Сыртқы беті геометриялық және өсімдік тектес өрнектермен көркем бедерленіп, ұлттық сәндік нақыштағы әшекеймен безендірілген.
Мұндай папкалар ХХ ғасырдың екінші жартысында мекемелер мен ұйымдарда кеңінен қолданылып, қызметтік құжаттарды ұқыпты сақтауға мүмкіндік берген. Экспонат кеңестік кезеңдегі іс жүргізу мәдениетін, былғары өңдеу өнеркәсібінің дамуын және сәндік-қолданбалы безендіру дәстүрін көрсететін тарихи-мәдени құнды жәдігер болып табылады.