Биялай

Сипаттама

Құсбегілер мен бүркітшілерге арналған қолғап түрі. Ол иленген таза теріден тігіліп, сыртқы түгі ішіне қаратылып жасалған. Қолғап екі бөлек теріден пішіліп, бір-біріне қаратылып, түйіскен жиектері біріктіріле тігілген. Қолғаптың бас бармаққа арналған жеке қалташасы бар. Қолғаптың жалпы ұзындығы-46 см, бас бармақ қалташасының ұзындығы-10 см, жалпақтығы-5 см. Білек тұсының жалпақтығы-19 см, ал ұшының жалпақтығы-12 см. Қолғаптың білек жағының үстіңгі ортаңғы бөлігінде 5 см ұзындықта жырық ойық салынған, бұл оны киюге және білекке икемдеп байлауға ыңғайлы етеді.