Алаша

Сипаттама

Алаша. Таза жүн жіптен, қолмен иіріліп тоқылған тұрмыстық бұйым. Тоқу барысында алдын ала әр түрлі түске боялған жіптер қолданылған. Алаша бетіне салынған қазақы ою-өрнектер-шебер тоқымашының талғамы мен орындау шеберлігін айғақтайды. Композицияның негізгі элементі-көлемі 22×22 см болатын «қошқар мүйіз» оюы, ол енінен 4 талдан, ұзындығы бойынша 9 қатарға орналасқан.Алашаның жиегі айнала 3 см енінде қара жіппен жиектеліп тоқылған. Ұзына бойының екі шеті жылқы қылынан жасалған, ұзындығы 8 см болатын шашақтармен өрнектелген.