Откройте для себя

богатую историю и культуру Казахстана

 

Дәстүрлі ат әбзелі - Доға

Суреттер жүктелуде...

Сипаттама

Доға - дәстүрлі көлік қатынасы мен ат жегу мәдениетінің ажырамас бөлігі. Ол тек техникалық міндет қана емес, сонымен қатар халық шеберлерінің ағаш ию, оның икемділігі мен беріктігін есептеу технологиясын қаншалықты жоғары меңгергенін көрсететін этнографиялық жәдігер болып табылады. Мерзімі: XX ғ. бірінші жартысы (болжамды). Экспонаттың құрылымдық сипаттамасыЖәдігер - доға тәрізді иілген, жуандығы біркелкі берік ағаштан жасалған көлік әбзелі. Бетінде байырғы қолданыстан қалған қоңырқай табиғи реңкі сақталған.Қызметі: Жегін малдың (аттың) мойын тұсына келетін қамытты екі жанынан гуж (қайыс бау) арқылы арба сырықтарымен (оглобля) берік байланыстырып, серпінділікті (амортизация) қамтамасыз етеді. Аттың иығына түсетін салмақты жеңілдетеді.Ұштары: Доғаның екі төменгі ұшы сырықтарға және қайыс бауларға бекіту үшін арнайы жонылып, жіңішкеленген. Металл ілмектердің немесе бекіткіштердің іздері байқалады.Сақталу күйіҚанағаттанарлық. Ағаш құрылымы тұтас, жарықшақтар мен сынықтар көрінбейді. Беткі қабатында ұзақ уақыт пайдалану мен тозудан пайда болған табиғи қажалу іздері бар. Шаң-тозаңнан тазартуды және қорғаныс қабатымен (балауыз немесе арнайы май) өңдеуді қажет етеді.

Мерзімделу кезеңі: ХХ ғ.
Материал: Ағаш
Техника: Кептіру, Ою
Санат: Әбзел, былғарыдан жасалған бұйымдар
Scroll to Top