Самал

Сипаттама

Авторы: Иляев Султан Ганиевич. 1954
Көгілдір аспан мен сарғыш-жоса түсті жердің екі үлкен жазықтығынан тұратын сәндік композиция. Төменгі бөлігінде күлгін көлдің жұмсақ жартылай шеңбері бейнеленген. Аспан мен жерді ішінде нобайлап берілген шағын үйлері бар жіңішке көлденең жолақ - көкжиек бөліп тұр. Аспан мен су кеңістігінде олардың «мекендеушілері» - жарқын түсті «мозаикалық» бөлшектерден құралған ірі стилизацияланған құс пен екі шағын балық «жүзіп жүр». Олар нұрланып құбыла отырып, шығармаға жарқын әрі қуанышты көңіл-күй дарытады және картинаға айрықша мәнерлілік береді.